कामगार व त्याच्या कुटुंबियांना कौशल्यवृद्धी चा लाभ 2025

बांधकाम क्षेत्रातील कामगारांची उत्पादन क्षमता व रोजगार क्षमता वाढविण्यासाठी सदर योजना सुरु करण्यात आलेली आहे ज्यामध्ये कामगारांना एकूण 6 विषयाचे प्रशिक्षण दिले जाते.

कौशल्यवृद्धी योजना अंतर्गत प्रशिक्षणाचे विषय

• बार वेल्डिंग
• मेसेनरी
• शटरिंग कारपेंटिंग
• प्लम्बिंग
• पेंटींग
• स्कॅफोल्डिंग

कौशल्यवृद्धी योजना अंतर्गत प्रशिक्षणाचा खर्च

प्रशिक्षणाचा खर्च प्रति तास 27/- रुपये म्हणजे एकूण 120 तासाचे 3,300/- रुपये प्रति प्रशिक्षणार्थी व पगार नुकसान भरपाई म्हणून 35/- रुपये प्रति तास म्हणजे एकूण 120 तासाचे 4,200/- रुपये कामगारांना देण्यात येईल.

योजनेचा फायदा

महाराष्ट्र इमारत व इतर बांधकाम कामगार कल्याणकारी मंडळ मार्फत आयोजित करण्यात येणाऱ्या कौशल्यवृद्धी प्रशिक्षण कार्यक्रमामुळे कामगार आणि त्यांच्या कुटुंबियांना खालीलप्रमाणे अनेक फायदे मिळू शकतील.

कामगारांना होणारे फायदे

• रोजगाराच्या संधींमध्ये वाढ होईल: कामगारांमध्ये कौशल्य वृद्धीची वाढ झाल्यास त्यांना नवीन आणि चांगल्या नोकरीच्या संधी उपलब्ध होतील.

• उत्पन्नात वाढ: प्रशिक्षण प्राप्त करून कामगारांना बढती मिळू शकते किंवा कौशल्याच्या जोरावर दुसऱ्या क्षेत्रात चांगल्या पगाराची नोकरी मिळून उत्पन्नात वाढ होईल.

• ज्ञानाचा विकास होईल: नवीन कौशल्य प्रशिक्षण प्राप्त करून त्यांना औद्योग क्षेत्रात सध्या सुरु असलेले प्रशिक्षण प्राप्त करता येईल.

• आत्मविश्वास वाढेल: प्रशिक्षणामुळे कामगार अधिक कार्यक्षम बनू शकतील तसेच त्यांना आत्मविश्वास वाढेल.

• बरोजगारी कमी होईल: कामगारांना कौशल्य प्रशिक्षणामुळे चांगली नोकरी मिळेल व त्यामुळे राज्यातील बेरोजगारी कमी होईल

• औद्योगिक विकास: कौशलय प्रशिक्षण पूर्ण करून कामगार राज्यात स्वतःचा एखादा उद्योग सुरु करू शकतील ज्यामुळे राज्याचा औद्योगिक विकास होईल.

कुटुंबाला होणारा फायदा

• कुटुंबाच्या आर्थिक उत्पन्नात वाढ: प्रशिक्षण प्राप्त करून कामगारांना बढती मिळेल किंवा अन्य ठिकाणी चांगली नोकरी मिळवून कामगारांच्या उत्पन्नात वाढ होईल व परिणामी कुटुंबाची आर्थिक स्थिती सुधारेल.

• कुटुंबाची जीवनशैली सुधारेल: कौशल्याच्या जोरावर कामगारांना चांगली नोकरी मिळेल व त्यामुळे कुटुंबाची जीवनशैल सुधारेल. त्यामुळे त्यांचा सामाजिक तसेच आर्थिक विकास होईल.

• दारीद्र्य कमी होणे: कौशल्य विकासामुळे कुटुंबांना दारिद्र्य चक्रातून बाहेर पडण्यास मदत होते.

• सामाजिक सुरक्षा: चांगल्या नोकरीमुळे कामगारांना सामाजिक सुरक्षा आणि विमा योजनांमध्ये प्रवेश मिळतो.

• मुलांसाठी चांगले भविष्य: कौशल्यपूर्ण पालकांची मुले चांगल्या शिक्षणाची आणि चांगल्या नोकरीच्या संधींची अधिक शक्यता असते.

समाजाचा होणारा लाभ:

• आर्थिक विकास: कौशल्यपूर्ण कामगार अधिक उत्पादक असतात आणि ते देशाच्या आर्थिक विकासाला हातभार लावतात.

• कमी बेरोजगारी: कौशल्य विकासामुळे बेरोजगारी कमी होण्यास मदत होते.

• वाढलेली कर उत्पन्न: कौशल्यपूर्ण कामगार जास्त कर देतात ज्यामुळे सरकारला अधिक उत्पन्न मिळते आणि ते सामाजिक कार्यक्रमांसाठी पैसे खर्च करू शकते.

• सामाजिक स्थिरता: कौशल्य विकासामुळे सामाजिक स्थिरता आणि शांतता वाढण्यास मदत होते.

कौशल्यवृद्धी योजना अंतर्गत अर्ज करण्यासाठी आवश्यक पात्रता

• अर्जदार कामगारांचे वय 18 ते 60 वर्षे दरम्यान असणे आवश्यक आहे.
• अर्जदाराने मागील 12 महिन्यांमध्ये 90 दिवसांपेक्षा जास्त दिवस बांधकाम कामगार म्हणून काम केलेले असणे आवश्यक आहे.

नियम व अटी

• अर्जदार कामगार हा महाराष्ट्र राज्याचा मूळ रहिवाशी असणे आवश्यक आहे.
• महाराष्ट्र राज्याच्या बाहेरील बांधकाम क्षेत्रातील कामगारास या योजनेचा लाभ दिला जाणार नाही.
• मंडळाकडे नोंदणी जिवीत असलेले पात्र बांधकाम कामगार या योजनेचा लाभ घेण्यासाठी पात्र राहतील.
• बांधकाम कामगार राज्य किंवा केंद्र शासनाद्वारे सुरु एखाद्या इतर योजनेचा लाभ घेत असता कामा नये.
• योजनेचा लाभ मिळवण्यासाठी कामगाराला अर्ज करणे आवश्यक आहे.
• 200 पेक्षा जास्त कामगार असलेल्या साईटवर प्रशिक्षण आयोजित केले जाईल.

कौशल्यवृद्धी योजना अंतर्गत आवश्यक कागदपत्रे

• आधार कार्ड
• पॅन कार्ड
• रहिवाशी दाखला
• 90 दिवस काम केल्याचे प्रमाणपत्र
• कायमचा पत्ता पुरावा
• ई-मेल आयडी
• मोबाईल नंबर
• काम करत असलेल्या बांधकामाचा पत्ता
• नोंदणी अर्ज
• पासपोर्ट आकारातील 3 फोटो
• बँक पासबुक झेरॉक्स
• जन्माचा दाखला (शाळा सोडल्याचा दाखला)
• नियोक्त्याचे मागील वर्षभरात 90 दिवस किंवा दिवसापेक्षा जास्त दिवस काम केल्याच्या दाखला (इंजिनिअर/ठेकेदार)
• महानगर पालिकाकडून बांधकाम कामगार असल्याचे प्रमाणपत्र
• ग्रामपंचायतकडून ग्रामसेवकाकडून बांधकाम कामगार असल्याचे प्रमाणपत्र
• घोषणापत्र

अर्ज करण्याची पद्धत

• कामगाराला आम्ही खाली दिलेल्या लिंक वरून योजनेचा अर्ज डाउनलोड करावा लागेल.
• अर्जात विचारलेली सर्व माहिती भरून सोबत आवश्यक कागदपत्रे जोडून सदर अर्ज आपल्या क्षेत्रातील कामगार कार्यालयात जमा करावा लागेल.
• अशा प्रकारे तुमची या योजनेअंतर्गत अर्ज प्रक्रिया पूर्ण होईल.

बांधकाम कामगार योजनेअंतर्गत राबविण्यात येणाऱ्या योजना

सामाजिक सुरक्षा योजना

शैक्षणिक योजना

आरोग्य विषयक योजना

आर्थिक योजना

महत्वाच्या बाबी

कामगारांचे प्रश्न आणि त्यांची उत्तरे

बांधकाम कामगार योजना अंतर्गत कामगार नोंदणी

बांधकाम कामगार दाव्यासाठी अर्ज करा

बांधकाम कामगार ऑनलाईन नोंदणीचे नूतनीकरण

आपली बांधकाम कामगार नोंदणी अद्ययावत करा

बांधकाम कामगार प्रोफाइल लॉगिन करा

उपकर भरणा पुढे जाण्यासाठी लॉगिन करा

महाराष्ट्र कामगार कल्याण मंडळ अंतर्गत राबविण्यात येणाऱ्या विविध योजना