Bandhkam Kamgar Safety Kit Yojana 2025

Bandhkam Kamgar Safety Kit: या योजनेअंतर्गत नोंदीत बांधकाम कामगारांना सुरक्षा संच (सेफ्टी किट) चा लाभ देण्यात येतो. बांधकाम कामगारांसाठी सेफ्टी किट हे अशा वस्तूंचा समूह आहे ज्यांचा वापर कामगारांना कामावर होणाऱ्या धोक्यांपासून वाचवण्यासाठी केला जातो.

इमारत व इतर बांधकाम कामगारांच्या सुरक्षे विषयी विविध उपाय, जबाबदाऱ्या, कर्तव्ये नमूद केलेली आहेत. तथापि, आजपर्यंतचा अनुभव पाहता सदर नियमांचे मोठ्या प्रमाणात पालन होत असल्याचे दिसत नाही. जर सुरक्षेचे नियम पाळले असते तर मागील दुर्घटनेत अनेकांचे गेलेले प्राण वाचवण्यात यश आले असते. भविष्यात अशा दुर्घटनेत बांधकाम कामगारांचे प्राण वाचावे यासाठी महाराष्ट्र इमारत व इतर बांधकाम कामगार कल्याण मंडळाने दिनांक 22 सप्टेंबर 2017 रोजीच्या बैठकीत मंडळातील नोंदीत पात्र बांधकाम कामगारांना सुरक्षा संच (Safety Kit) पुरवण्यासंदर्भात ठराव पारीत केला आहे. बांधकाम कामगारांची नोंदणी वाढविणे तसेच कामगारांची जिवीत हानी होऊ नये हा या योजनेचा प्रमुख उद्देश आहे. तसेच, या योजनेद्वारे होणाऱ्या वाटपामुळे बांधकाम कामगारांमध्ये नोंदणीचे महत्व समजेल व होणाऱ्या जनजागृतीमुळे ते मंडळाकडे नोंदणी करण्यास आकर्षित होतील. तसेच बांधकाम कामगारांचे संभाव्य अपघात/ दुखापत इत्यादी पासून संरक्षण होईल व अशा प्रकारच्या दुर्घटना टाळता येतील. या पार्श्वभूमीवर सदर योजना सुरु करण्यात आलेली आहे.

योजनेचे उद्दिष्ट:

• योजनेअंतर्गत नोंदीत बांधकाम कामगारांना सुरक्षा संच (सेफ्टी किट) चा लाभ देणे.
• कामगारांना कामावर होणाऱ्या धोक्यांपासून वाचविणे.
• कामगारांच्या सुरक्षेची काळजी घेणे.

योजनेचे वैशिष्ट्य:

• योजनेअंतर्गत कामगारांना दिल्या जाणाऱ्या सुरक्षा संच (सेफ्टी किट) चा मोफत लाभ दिला जातो.
• योजनेअंतर्गत कामगारांना पुरवण्यात येणारे सुरक्षा संच (सेफ्टी किट) उत्कृष्ट दर्जाचे दिले जातात.

योजनेचे लाभार्थी:

• बांधकाम क्षेत्रात काम करणारे कामगार

Bandhkam Kamgar Safety Kit List:

• हॅट: एखादी वस्तू डोक्यावर पडली तर त्यापासून कामगाराच्या डोक्याचे रक्षण करते.
• सेफ्टी बूट: हे बूट विजेचा धोका तसेच टोकेरी वस्तूंपासून पायांचे रक्षण करतात.
• सेफ्टी गॉगल: हे धूळ, कचरा आणि उडणाऱ्या वस्तू यांपासून डोळ्याचे रक्षण करतात.
• डस्ट मास्क: हे शरीरात जाणारी धूळ आणि इतर हानीकारक कणांपासून फुफ्फुसाचे बचाव करते.
• इअरप्लग: हे कानांचे मोठ्या आवाजापासून बचाव करतात.
• ग्लव्हज: हे हातांना होण्याऱ्या इजांपासून आणि घातक रसायनांपासून बचाव करतात.
• रिफ्लेक्टिव्ह वेस्ट: एखादा कामगार काळोखात काम करत असल्यास इतरांना ते समजण्यासाठी याचा उपयोग होतो.
• सेफ्टी हार्नेस: कामगार उंचावर काम करत असल्यास पाय घासून पडल्यास उंचीवरून पडण्यापासून त्यांचा बचाव करते.
• फर्स्ट-एड किट: काम करताना लहान दुखापती आणि जखमांवर उपचार करण्यासाठी आवश्यक औषधे असतात.

बांधकाम कामगार सेफ्टी किट चे काही फायदे:

• धोक्यांपासून संरक्षण: सेफ्टी किट कामगारांना कामावर होणाऱ्या धोक्यांपासून वाचवू शकतात.
• सेफ्टी किट कामगारांमधील दुर्घटना आणि आजार कमी करू शकतात.
• कार्यक्षमतेत वाढ: उत्पादकता आणि कार्यक्षमता सुधारू शकतात.
• मनोबल वाढण्यास मदत: कामगाराचा मनोबल आणि काम करण्याची भावना सुधारू शकतात.

योजनेअंतर्गत आवश्यक पात्रता:

• अर्जदार कामगारांचे वय 18 ते 60 वर्षे दरम्यान असणे आवश्यक आहे.
• कामगारांचे महाराष्ट्रातील वास्तव्य 15 वर्ष असावे.
• अर्जदाराने मागील 12 महिन्यांमध्ये 90 दिवसांपेक्षा जास्त दिवस बांधकाम कामगार म्हणून काम केलेले असणे आवश्यक आहे.
• तो नोंदीत कामगार असावा व नोंदणी चालू असावी.

अर्जासोबत जोडावयाची आवश्यक कागदपत्रे:

• नोंदणी अर्ज
• ओळखीचा पुरावा: आधार कार्ड, पॅन कार्ड, ड्रायविंग लायसेन्स
• रहिवाशी दाखला: डोमेसाइल (आवश्यक असल्यास)
• 90 दिवस काम केल्याचे प्रमाणपत्र
• कायमचा पत्ता पुरावा: रेशन कार्ड, वीज बिल, आधार कार्ड
• ई-मेल आयडी
• मोबाईल नंबर
• काम करत असलेल्या बांधकामाचा पत्ता
• पासपोर्ट आकारातील 3 फोटो
• बँकेचा तपशील: बँक पासबुक झेरॉक्स
• जन्माचा दाखला: जन्म प्रमाणपत्र, शाळा सोडल्याचा दाखला
• ग्रामपंचायतकडून ग्रामसेवकाकडून बांधकाम कामगार असल्याचे प्रमाणपत्र
• घोषणापत्र

योजनेच्या अटी व शर्ती:

• मंडळाकडे नोंदणीकृत जिवीत असलेले पात्र बांधकाम कामगार या योजनेचा लाभ घेण्यासाठी पत्र राहतील. या पात्रताधारक कामगारांनी विहित नमुन्यातील मागणी अर्ज प्राधिकृत सरकारी कामगार अधिकारी यांच्याकडे भरुन दिल्यानंतर सुरक्षा संच (Safety Kit) ) पुरविण्यात येतील.
• पात्र बांधकाम कामगारांना सुरक्षा संच (Safety Kit) पुरविण्याबाबत ई-निविदा पध्दतीचा अवलंब करुन नोंदणीकृत, नामांकीत व अनुभवी संस्थेची निवड केली जाईल. तसेच या संदर्भात उद्योग, ऊर्जा व कामगार विभाग शासन निर्णय दिनांक 1.12.2016 मधील तरतूदींचे काटेकोर पालन करण्यात येईल. तसेच निविदा स्विकृती नंतर प्रस्ताव शासन मान्यतेस्तव सादर केली जाईल.
• सुरक्षा संच (Safety Kit)) च्या निविदा स्विकृत करण्यापूर्वी सुरक्षा संच (Safety Kit) मधील वस्तूंच्या दर्जाची शासन मान्य शासन प्राधिकृत प्रयोग शाळेकडून तपासणी व खात्री करण्यात येईल व तसे प्रमाणपत्र तद्नंतरच अशा वस्तूंची पात्र लाभार्थ्यास वितरणाची कार्यवाही केली जाईल.
• सुरक्षा संच (Safety Kit) मधील पुरविण्यात येणाऱ्या वस्तूंचे दर, पुरवठा, वाहतूक, वितरण व सर्व करांसह निश्चित करण्यात येईल.
• संबंधित सहाय्यक कामगार आयुक्त यांनी रितसर प्रमाणित केलेल्या जिवीत पात्र नोंदीत बांधकाम कामगारांच्या यादीनुसारच विहीत मुदतीचे आत सुरक्षा संच (Safety Kit) चा पुरवठा करण्यात येईल.
• पात्र बांधकाम कामगारांना सुरक्षा संच (Safety Kit) प्राप्त झाल्याचे सरकारी कामगार अधिकारी खात्री करतील व पुरवठा केल्याची पोचपावती उपायुक्त कामगार सादर करतील. उपायुक्त कामगार अशा सर्व लाभार्थ्यांचे साहीत्य प्राप्त झाल्याबाबतच्या पोच पावत्या पाहून खात्री करुन त्याबाबतचा अहवाल देयकाची अदायगी करण्याच्या प्रमाणपत्रासह महाराष्ट्र इमारत व इतर बांधकाम कामगार कल्याणकारी मंडळ, मुंबई यांना सादर करतील व महाराष्ट्र इमारत व इतर बांधकाम कामगार कल्याणकारी मंडळ सदरहू अहवाल व उप आयुक्त कामगार यांचे देयक अदायगी करण्याचे प्रमाणपत्र पाहून, खात्री करुन पुरवठादाराचे देयक नियमानुसार प्रदान करतील.
• सुरक्षा संच (Safety Kit) पुरवठ्याचा खर्च मंडळाकडील जमा उपकर निधीतून भागविण्यात येईल.
• सदर योजनेच्या परिणामकारक अंमलबजावणी व देखरेखीचे काम कामगार आयुक्त पाहतील.
• पात्र बांधकाम कामगारांना सुरक्षा संच (Safety Kit) पुरवठा करण्याची कार्यवाही महाराष्ट्र इमारत व इतर बांधकाम कामगार कल्याणकारी मंडळाने निश्चित केलेल्या कालावधीत पूर्ण करतील. कालावधी वाढविण्यास मान्यता देण्याचे अधिकार महाराष्ट्र इमारत व इतर बांधकाम कामगार कल्याणकारी मंडळास राहतील.

योजनेअंतर्गत अर्ज करण्याची पद्धत:

• कामगाराला आम्ही खाली दिलेल्या लिंक वरून योजनेचा अर्ज डाउनलोड करावा लागेल.
• अर्जात विचारलेली सर्व माहिती भरून सोबत आवश्यक कागदपत्रे जोडून सदर अर्ज आपल्या क्षेत्रातील कामगार कार्यालयात जमा करावा लागेल.
• अशा प्रकारे तुमची या योजनेअंतर्गत अर्ज प्रक्रिया पूर्ण होईल.

बांधकाम कामगार योजनेअंतर्गत राबविण्यात येणाऱ्या योजना

सामाजिक सुरक्षा योजना

शैक्षणिक योजना

आरोग्य विषयक योजना

आर्थिक योजना

महत्वाच्या बाबी

कामगारांचे प्रश्न आणि त्यांची उत्तरे

बांधकाम कामगार योजना अंतर्गत कामगार नोंदणी

बांधकाम कामगार दाव्यासाठी अर्ज करा

बांधकाम कामगार ऑनलाईन नोंदणीचे नूतनीकरण

आपली बांधकाम कामगार नोंदणी अद्ययावत करा

बांधकाम कामगार प्रोफाइल लॉगिन करा

उपकर भरणा पुढे जाण्यासाठी लॉगिन करा

महाराष्ट्र कामगार कल्याण मंडळ अंतर्गत राबविण्यात येणाऱ्या विविध योजना

jj