या योजनेअंतर्गत नोंदीत बांधकाम कामगारांच्या मुलांना शैक्षणिक उपयोगाची पुस्तके भेट देण्यात येते. कामगारांच्या पाल्यांना क्रमिक पाठ्यपुस्तके खरेदी रकमेच्या पन्नास टक्के रक्कम अर्थसहाय्य देण्याची योजना आहे.
कामगारांच्या पाल्यांना त्यांच्या आजुबाजूला घडणाऱ्या परिस्थितीची जाणीव होणे, सामान्य ज्ञानात भर पडणे, दर्जेदार शिक्षण मिळणे, तसेच शिक्षणातून पाल्यांचा शैक्षणिक,भावनिक,बौध्दिक तसेच शारिरीक विकास व उच्च शिक्षणासाठी आत्मविश्वास वृध्दिंगत होण्यासाठी दैनंदिन पाठयपुस्तकांतील अभ्यासासोबतच अन्य पुस्तकांचीही अभ्यासासाठी आवश्यकता असते. त्यामुळे विद्यार्थ्यांचे सर्वांगीण ज्ञान वृध्दिंगत करणाऱ्या अशा पुस्तकांची उपयुक्तता विचारात घेऊन नोंदीत बांधकाम कामगारांच्या पाल्यांना 1000/- रुपये पर्यंतच्या किंमतीचा शैक्षणिक उपयोगाच्या पुस्तकांचा संच भेट देण्याचा महाराष्ट्र इमारत व इतर बांधकाम कामगार कल्याणकारी मंडळाने निर्णय घेतला आहे.
मंडळाच्या पाठ्यपुस्तक सहाय्य योजनेंतर्गत कामगार पाल्यांना क्रमिक पाठयपुस्तके खरेदी रकमेच्या 50 टक्के रक्कम अर्थसहाय्य देण्याची योजना आहे. चालू आर्थिक वर्षापासून पात्र लाभार्थीना धनादेशाद्वारे रक्कम अदा न करता त्यांच्या बँक खात्यात रक्कम ऑनलाईन जमा करण्यात येईल.
लाभार्थीच्या बँक खात्यात रक्कम ऑनलाईन जमा करण्याची कार्यवाही गट कार्यालयांनी करावयाची आहे. विभागीय कार्यालयांनी मंडळाच्या अर्थसंकल्पिय तरतुदीच्या अधिन राहून समान न्यायाच्या तत्वाने गटांना निधी वाटप करावा. सदर योजनेसाठी खालील कालमर्यादेचा अवलंब करावा.
योजनेचे उद्दिष्ट:
- कामगाराच्या पाल्यांना शैक्षणिक उपयोगाची पुस्तके भेट देणे.
- कामगारांच्या पाल्यांना शिक्षणासाठी प्रोत्साहित करणे.
योजनेचे वैशिष्ट्य:
- योजनेअंतर्गत दिली जाणारी लाभाची राशी कामगारांच्या बँक खात्यात DBT च्या सहाय्याने जमा केली जाते.
महत्वाच्या तारखा:
| तपशील | अंतिम मुदत |
| केंद्रात अर्ज स्विकारणे | सप्टेंबर अखेरपर्यंत |
| केंद्रांनी गट कार्यालयात अर्ज पाठविणे | ऑक्टोबरच्या दुसऱ्या आठवड्यापर्यंत |
| गट कार्यालयांनी प्रस्ताव मंजूर करणे | ऑक्टोबरअखेर पर्यंत |
| पात्र लाभार्थीच्या बँक खात्यात रक्कम जमा करणे | नोव्हेंबरअखेर पर्यंत |
योजनेचे नियम व अटी:
- अर्जदार महाराष्ट्र कामगार कल्याण निधी अधिनियम 1953 च्या कक्षेत येणारे कामगार कुटुंबीय असले पाहिजेत.
- पालकाचे वार्षिक उत्पन्न 3 लाखांच्या आत असले पाहिजे.
- इयत्ता 11वी पासून पदव्युत्तर पदवीपर्यंतच्या विद्यार्थ्याना योजनेचा लाभ दिला जाईल. यात तांत्रिक, वैद्यकीय, अभियांत्रिकी आदी व्यावसायिक अभ्यासक्रमांचा देखील समावेश आहे.
- ए.टी.के.टी. विद्यार्थ्यांनाही योजनेचा लाभ दिला जाईल.
- दहावीनंतर अभियांत्रिकी (डिप्लोमा) शिक्षण घेणाऱ्या विद्यार्थ्यांना 2500/- रुपये पर्यंत अर्थसहाय्य दिले जाईल. तसेच बारावीनंतर अभियांत्रिकी (डीग्री कोर्स) व वैद्यकीय शिक्षण घेणाऱ्या विद्यार्थ्यांना देखील 2500/- रुपये पर्यंत अर्थसहाय्य दिले जाईल. इतर अभ्यासक्रमासाठी 1500/- रुपये पर्यंत अर्थसहाय्य दिले जाईल.
- अर्जदाराने पुस्तकांची खरेदी करुन मंडळात बिल सादर करावे.
- शिष्यवृत्ती रक्कम लाभार्थीच्या बँक खात्यात ऑनलाईन जमा होणार आहे. त्यासाठी विद्यार्थ्याचे स्वतःचे (किंवा पालकासह संयुक्त) खाते बँकेत असणे बंधनकारक आहे. सदर बँक खाते विद्यार्थ्याने त्याच्या आधार क्रमांकाशी लिंक करुन घ्यावे.
- अर्जदाराने आपल्या घराजवळील कामगार कल्याण केंद्रातच अर्ज जमा करावा.
- विद्यार्थीनी दाखले/ प्रमाणपत्रे यांच्या छायांकित प्रती स्वयं साक्षांकीत केल्या तरी ग्राह्य असतील. त्यासाठी सोबतच्या नमुन्याप्रामाणे स्वयं घोषणापत्र जोडावे. अथवा सक्षम अधिकाऱ्याने साक्षांकीत केलेली कागदपत्रे जोडावीत.
- पात्र व अपात्र अर्जदारांची यादी केंद्र / गट व विभागीय कार्यालयात नोटीस बोर्डावर प्रसिद्ध करण्यात यावी. त्याची प्रत माहितीस्तव मध्यवर्ती कार्यालयास सादर करावी.
अर्जासोबत जोडावयाचे दाखले (झेरॉक्स):
- महाराष्ट्र कामगार कल्याण निधी कपात झाल्याचा उल्लेख असलेली पालकाची (वडील/आई) जून महिन्याची पगार पावती किंवा आस्थापनेचा दाखला.
- गतवर्षाचे गुणपत्रक.
- विद्यार्थ्याचे आधार कार्ड.
- सोबत पालकाचे आधारकार्ड किंवा ई.एस.आय.सी. किंवा रेशनकार्ड जोडावे.
- क्रमिक पाठ्यपुस्तक खरेदीचे मूळ बिल जोडावे. (गाईड्स, संदर्भग्रंथ इ. वगळता)
- बँक खाते क्रमांक, बँकेचा मायकर क्रमांक व आय.एफ.एस.सी. क्रमांक यांची नोंद असलेला बँकेचा कॅन्सल चेक (रद्द चेक) किंवा पासबुकची झेरॉक्स.
अर्ज करण्याची पद्धत:
- कामगाराला आम्ही खाली दिलेल्या लिंक वरून योजनेचा अर्ज डाउनलोड करावा लागेल.
- अर्जात विचारलेली सर्व माहिती भरून सोबत आवश्यक कागदपत्रे जोडून सदर अर्ज आपल्या क्षेत्रातील कामगार कल्याण मंडळ कार्यालयात जमा करावा लागेल.
- अशा प्रकारे तुमची या योजनेअंतर्गत अर्ज प्रक्रिया पूर्ण होईल.
योजनेअंतर्गत ऑनलाईन अर्ज करण्याची पद्धत:
- अर्जदाराला सर्वात प्रथम कामगार कल्याण मंडळाच्या अधिकृत पोर्टल वर जावे लागेल.
- होम पेज वर सभासद मध्ये योजनांसाठी अर्ज वर क्लिक करावं लागेल.
- आता तुमच्यासमोर एक नवीन पेज उघडेल त्यामध्ये तुम्हाला तुमच्या योजनेसमोर Apply Now बटनावर क्लिक करावे लागेल.
- आता तुमच्यासमोर या योजनेचा अर्ज उघडेल त्यामध्ये विचारलेली सर्व माहिती भर तसेच आवश्यक कागदपत्रे अपलोड करून सबमिट बटनावर क्लिक करा.
- अशा प्रकारे तुमची अर्ज प्रक्रिया पूर्ण होईल.
महत्वाच्या सूचना:
- आस्थापनेच्या दाखल्यावर जून महिन्याच्या वेतनाचे विवरण असावे. त्यावर अधिकाऱ्याची सही व आस्थापनेचा शिक्का असावा.
- पुस्तक खरेदीचे बिल छापील असावे. त्यावर बिल क्रमांक असावा किंवा व्हॅट क्रमांक असावा. या व्यतिरिक्त इतर कोणतीही पावती वैध मानली जाणार नाही. बिलावर विद्यार्थ्याचे पूर्ण नाव असावे.
- अर्जात नमूद क्रमानुसार पुस्तकांची नावे असावीत. अंकी व अक्षरी किंमत बरोबर असावी. अर्जात व पावतीवर लिहिलेल्या पुस्तकांची रक्कम सारखी असावी. एकूण बेरीज बरोबर असावी.
- मूळ अर्जावर प्राचार्याचे पदनाम शिक्क्यासह सही असावी.
- कागदपत्रावरील विद्यार्थ्याचे नाव सारखे असावे. त्यांत जराही बदल नसावा, खाडाखोड नसावी.
- अर्ज दोन प्रतीत जमा करावा. एक मूळ संच व दुसरा झेरॉक्स संच.
- सदर परिपत्रक पुढील आदेश निघेपर्यंत लागू राहील.
| योजनांचे अर्ज | |
| योजनेचा अर्ज 1 | डाउनलोड |
| योजनेचा अर्ज 2 | डाउनलोड |
| योजनेचा अर्ज 3 | येथे क्लिक करा |
| शासन निर्णय | येथे क्लिक करा |
| आपल्या क्षेत्रातील कामगार कार्यालयाचा पत्ता | येथे क्लिक करा |
| बांधकाम कामगार योजना नवीन शासनाचे निर्णय | येथे क्लिक करा |
बांधकाम कामगार योजनेअंतर्गत राबविण्यात येणाऱ्या योजना
सामाजिक सुरक्षा योजना
शैक्षणिक योजना
आरोग्य विषयक योजना
आर्थिक योजना
महत्वाच्या बाबी
कामगारांचे प्रश्न आणि त्यांची उत्तरे
| बांधकाम कामगार नोंदणी कोण करू शकतो? |
| बांधकाम कामगार नोंदणी कुठे करायची? |
| बांधकाम कामगारांना ESI लागू आहे का? |
| असंघटित कामगार म्हणजे काय? |
| कामगार कल्याण योजना काय आहेत? |
बांधकाम कामगार योजना अंतर्गत कामगार नोंदणी
बांधकाम कामगार दाव्यासाठी अर्ज करा
बांधकाम कामगार ऑनलाईन नोंदणीचे नूतनीकरण
आपली बांधकाम कामगार नोंदणी अद्ययावत करा
बांधकाम कामगार प्रोफाइल लॉगिन करा
उपकर भरणा पुढे जाण्यासाठी लॉगिन
महाराष्ट्र कामगार कल्याण मंडळ अंतर्गत राबविण्यात येणाऱ्या विविध योजना
| अधिकृत वेबसाईट | येथे क्लिक करा |
| दूरध्वनी क्र | 022-24306717 / 43226825 |
| फॅक्स क्र | 022-42210019 |
| ई-मेल | mlwbpro53@gmail[dot]com |
| पत्ता | मका / ग्रंथालय / 17 -18 / 165 हु. बाबू गेनू मुंबई गिरणी कामगार क्रीडा भवन, सेनापती बापट मार्ग, एलफिन्स्टन, मुंबई 400013 |